橙与蕉-网易新闻

橙与蕉-网易新闻

　　 上周四，喺西华路听到两个师奶睇住部手机喺度闹：“边有人咁写广告嘎”，“就系， 高考一定橙 ，橙（连连看水果）、橙（水果蔬菜店）声，几难听呀”。

　　 呢两个师奶讲嘅广告小弟睇过，“高考一定橙”中嘅“橙”系指单车颜色，本无恶意，但呢个“橙”字咁用法对于讲粤语嘅人嚟讲的确唔啱听。

　　 粤语“橙”谐音“惨”、“铲”，因此用法上会有讲究。平时讲买橙、橙汁都冇问题，就算“一定橙色”同样OK，因为呢啲“ 橙”“橙 ”都系词组，明摆住系讲水果，唔会有歧意。但如果将“橙色”简成“橙”，咁“一定橙”听起身就似“一定惨”。仲有，粤语嗰句闹人嘅话“冚家铲”，后嚟俾人“美化”成“杏加橙”，又系利用咗呢个简称“橙”。所以，“橙”嘅词组唔好随便简化。

　　 喺穗港澳及珠三角一带，如果讲食香蕉，就冇简成“食蕉”嘞，因为“食蕉”系闹人嘅话（发烧吃什么水果）。民间最普遍嘅讲法系话“屎”同“蕉”嘅外型相似，“食蕉”意思系“食屎”。而小弟认为，“食蕉”应该系“食招”嘅谐音演变而成。以前嘅香港武打残片里面经常讲到各种招式，亦有“食咗一掌”、“食咗一拳”嘅讲法，咁“食招”就系中招，属诅咒人嘅话。